【ZA 防騙提醒】誘導投資、賠償快遞？小心詐騙！

最近嘅詐騙手法套愈來愈「似模似樣」：有人喺社交平台假扮投資專家， 有人假扮快遞客服。令诈骗情况变得更加危险嘅係，佢哋唔只發條短訊咁簡單，而係會一步步鋪排劇情、製造緊張氣氛，甚至安排「真人出場」，好容易喺慌亂之中就俾人呃咗 😵‍💫❌

 

所以今日，我哋會用兩個真實個案，同你一齊拆解呢啲詐騙手法。睇完之後，下次遇到類似情況，你就會更快提高警覺：「等等，呢件事好似唔對路！」

 

⚠️ 案例一：社交媒體投資騙局，損失超過 130 萬元

一名熱衷於虛擬貨幣投資嘅男子，喺社交媒體收到陌生女子嘅私訊。雙方閒聊期間講到投資產品，對方順勢推介可疑的投資平台，誘導佢將其他平台嘅虛擬貨幣轉入。其後，該男子賬戶遭「凍結」，騙徒多次要求佢繳交「解凍金」。男子報警後先發現受騙，損失超過 130 萬元。

 

投資詐騙常見手法：
• 先閒聊，建立親切感
• 再分享所謂「投資心得」
• 然後推介高回報投資平台
• 初期可能會顯示有盈利
• 最後以繳付稅款、保證金、解凍金等理由，不斷要求付款

 

 

⚠️ 案例二：84 元網購茶包，最後被騙 320 萬元

一名女子網購 84 元茶包後，一直未收到貨，其後收到假快遞短訊。騙徒以快遞遺失、保險賠償等理由，誘導佢進入虛假網站，並要求佢提供銀行賬戶資料以便發放賠償。隨後，騙徒又要求佢轉賬至指定戶口，聲稱要進行賬戶安全檢查。最終，該女子損失超過 320 萬元。

 

網購假冒快遞詐騙常見手法：
• 假冒派件失敗短訊
呢類短訊通常會製造「要快啲處理，否則會有額外費用」嘅壓力。
• 假冒物流平台更新地址資料
騙徒會假冒網購或物流平台，透過短訊或 WhatsApp 發送釣魚信息，要求你撳連結更新收貨地址，藉此騙取個人資料、銀行卡資料同金錢。

 

 

溫馨提示

ZA Bank 唔會要求你透過非官方連結輸入網上銀行密碼或一次性驗證碼。如收到可疑信息，請勿點擊連結或回覆，並透過 ZA Bank App 客服或致電我們的防騙熱線核實：3665 3660。📞

 

 

防騙口訣

• 唔好信：對方嘅身份、藉口、同所有「緊急情況」，一律唔好信。
• 唔好估：對方係邊個，要求對方證明身份。
• 唔好講：任何密碼、個人資料、驗證碼，點都唔好講！

 

騙徒最怕你冷靜。只要你願意停一停，問多一句、查多一步，好多騙局自然會露出破綻。

 

記住以上防騙小貼士，ZA Bank 同你一齊，守護賬戶安全！

 

---

註：案例及圖片來源參考 ADCC 反詐騙協調中心。