【ZA Bank】延期年金懶人包 | QDAP好唔好？40 歲前買係黃金期！
【延期年金懶人包】30 出頭，事業開始上軌道，收入逐漸穩定，亦可能已經成家幾年，係時候趁供款能力充足，為下一個人生階段開始計劃。至於供幾耐先有收成，就視乎你需要儲幾多錢、幾耐先儲得完。
當然，選擇適合自己嘅儲蓄工具係最重要 ，例如係保監局認證嘅合資格延期年金保單（Qualifying Deferred Annuity Policy，簡稱 QDAP）或者係保險公司推出嘅長期儲存保險產品，就可以更快、更輕鬆達成目標。
延期年金是什麼？
QDAP 係政府 2019 年推出嘅退休儲存產品，產品必須符合保監局發出嘅指引，並以扣稅優惠鼓勵在職人士趁有收入時開始供款：
• 退休時可每月提取年金，應付生活開支
• 幫大家從容面對未來嘅退休生活
• 將保費兌換為扣稅額，儲錢同時慳稅，一舉兩得
延期年金好處
延期年金嘅最大好處，就係可以交稅儲錢 2 合 1。QDAP有以下特色：
• 保監局認證長期保險產品
• 累積資金為將來提供穩定現金收入
• 適合在職人士以分期供款形式儲蓄
• 資金可在累積期內積存，持續增值
• 供款可享每年最高 HKD 60,000 扣稅額 1
• 年金提取期一般係 10 年、20 年等，亦有可能設最後提取年齡
• 視乎自身需要，愈遲提取年金，回報則愈高
除了考慮自身資金需要，亦要注意提取年金時間對回報嘅影響，愈遲提取年金，回報則愈高，參考市場上某些「延期年金」計劃7，以一名45歲非吸煙男性、並以 5 年年繳方式供款為例，如果佢 55 歲提款，保證內部回報率有 1.5%；但如果由 70 歲先開始提款，保證內部回報率達 1.65%，預期總內部回報率更由 55歲 嘅 3.84% 升至 70 歲嘅 3.99%。
延期年金好唔好？理解選擇 QDAP 時的考慮要點
延期年金有得扣稅，即時減低儲蓄成本固然吸引。但作為長線儲蓄計劃，選擇 QDAP 要考慮以下幾點：
供款期 + 年金領取期
要因應自己本身嘅目標同計劃考慮，QDAP 供款期為 5 年或10 年，可就自身供款能力、扣稅安排去選擇。如果供款期越長，可享扣稅嘅年數就會更多，保單嘅回報率亦可以更高。
年金領取期一般係 10 年、20 年等，亦有可能設最後提取年齡，可以根據自己實際經濟狀況選擇。如果退休初期有其他資產可用，亦可以揀年金領取期較短嘅產品。
保單年期
又稱累積期，由供款開始計直至年金領取期開始為止。
內部回報率 (IRR)
IRR 包括保證回報 + 非保證回報兩部份，呢個就係保險公司預期嘅投資回報率，加上滾存多年嘅複息效應，會大大影響你儲蓄效率同最後收成。不過，要留意非保證回報可受保險公司嘅投資回報、盈利等不同因素影響，所以投保產品前，都應該考慮保險公司嘅背景、業績等。
退保權益
長線投資，難免出現突然需要提取資金嘅可能性，所以比較唔同 QDAP 產品嘅時候，要清楚喺唔同年份退保可以取回嘅權益。
其實每個人的財務狀況、投資喜好及對退休生活的期望都不同，所以是沒有標準答案的。始終年金計劃是為退休生活的現金流作管理，所以沒有最著數，只有最適合你的產品。
延期年金計算例子：提早開始計劃退休！
具體要點樣計劃退休資金？可以參考以下 3 個要點：
#1 香港人其實好長命，退休金隨時使幾十年
退休所需資金，主要計算 3 個數字：
退休所需資金 = （預期壽命 - 退休年齡） x 每年退休開支
根據衛生防護中心 2020 年數據，香港女性平均預期壽命 87.7 歲；香港男性 83.4 歲2。假設退休年齡係 60 歲，預計活到 85歲，而每月支出 1 萬的話：
退休所需資金 = (85-60) x (HK$10,000 x 12) = HK$ 300 萬
仲要考慮，幾十年後 $1 萬 1 個月真係夠你使用？香港財務策劃師學會 2022 年嘅「香港退休開支指數」推算，香港人退休最少需要 HK$ 400 萬3。
#2 單靠儲蓄？月供 1 萬都要儲幾十年
儲蓄年期，最基本嘅計法就係：
儲蓄年期 = 退休所需資金 / 每年退休儲蓄
如果要儲 400 萬，月供 HKD10,000 ：
儲蓄年期 = HKD 4,000,000 / (HKD 10,000 x 12) = 33.3 年！！
如果用冇回報嘅儲蓄方法，35歲開始月供 1 萬，大概 69 歲先可以啱啱達標。但一旦出現突發情況，例如家人或自己患病、屋企需要保養維修等，財政就會變得緊張。所以，有一份穩定入息，再加額外有一定回報嘅儲蓄就可以更加安心。
例如借助有一定回報嘅儲蓄工具，就可以享受到每年複息效應，大大縮短儲蓄年期。
#3 35歲買 QDAP，退休就有 1.5 萬月入打底？
合資格延期年金保單 (QDAP) 係政府推出，以稅務扣減優惠鼓勵在職人士及早開始儲蓄計劃退休。簡單嚟講，就係供幾多保費，就有幾多免稅，而每年扣稅額上限係HK$60,000，最多可慳稅 HKD 10,200 4。
延期年金計算例子：提早開始儲蓄！
延期年金保單可以享稅務扣減優惠之餘， 亦可以提早儲蓄，以陳先生作例子：
假設陳先生 2022/23 年度月入 HKD 40,000 5
可共慳稅HKD 10,200 5
如果依家預先投保，下個稅季開始就每年都有機會交少 HKD 10,200 稅 4！
合資格延期年金嘅扣稅優惠固然吸引，但大家喺選擇相關計劃時，可綜合上述因素，考慮計劃嘅全面性及供款靈活度，從而選擇最適合自己嘅合資格延期年金計劃.
購買 QDAP，幫你每年最多慳 HKD 10,200 4！將交稅、儲錢 2 合 1，為未來做好打算同時即刻了解吓啦！
小知識：QDAP 的年金金額分為「保證年金金額」及「非保證年金金額」，並會在利益說明文件中清楚列明。「非保證年金金額」可受保險公司的投資回報、盈利等不同因素影響。保險前記得細閱產品小冊子，選擇適合自己需要嘅產品，有咩唔明記得問清楚。
立即登入 ZA Bank App 了解更多！
首頁點撃「保險」一欄
保險首頁集齊三大資訊！
1️⃣ 預約 1:1 扣稅諮詢
2️⃣ 詳盡扣稅教學
3️⃣ 了解各扣稅產品
1據投委會錢家有道網站，透過合資格延期年金保單或可扣稅強積金自願性供款，每年扣除額上限為 HKD 60,000 ，最多可以節省 HKD 10,200 稅款： https://www.ifec.org.hk/web/tc/moneyessentials/qdap-tvc/index.page
2根據衛生防護中心 2020 年數據，香港女性平均預期壽命 87.7 歲；香港男性 83.4 歲：
https://www.chp.gov.hk/tc/static/80016.html
3港財務策劃師學會 2022 年的「香港退休開支指數」推算，香港人退休最少需要 HKD 400 萬：
http://www.ifphk.org/pdf/press_release/PR20220606_cn.pdf
4據投委會錢家有道網站，透過合資格延期年金保單或可扣稅強積金自願性供款，每年扣除額上限為 HKD 60,000 ，最多可以節省 HKD 10,200 稅款： https://www.ifec.org.hk/web/tc/moneyessentials/qdap-tvc/index.page
5示例使用稅務局「計算薪俸稅」工具計算，課稅年度為 2022/23，婚姻狀況設定為單身 ： https://www.ird.gov.hk/chi/ese/st_comp_2022_23/cstcfrm.htm
6根據稅務局的「免税額、扣除及税率表」，2023/24及其後的基本免稅額為HKD 132,000：https://www.ird.gov.hk/chi/pdf/pam61c.pdf
7消費者委員會 2021 年的「購買扣稅延期年金 如何提高退休回報？」當中的合資格延期年金計劃市場調查。